تأثير الرضاعة الطبيعية على الصحة النفسية للطفل و الأم

##تأثير الرضاعه الطبيعيه على المدى الطويل على الصحه العقليه##
لتجارب الاوليه فى الحياه بتكون بمثابه حجر الاساس للصحه فىما بعد ، عشان كدا التقليل من الاجهاد السام المبكر (مصطلح بيطلق علي الحاجات اللي بتتسبب في اذي عقلي وجسدي للطفل نتيجه التعرض لضغوط وبتستمر معاه طول العمر ) مفتاح منع الامراض فى الكبر . والرضاعه الطبيعيه واحده من الطرق اللي بتساعد علي منع الاجهاد السام المبكر دا وبتزود صحه الطفل الجسديه والعقليه . والسبب فى كدا مش بس بيرجع لمكونات لبن الام انما استجابه الام لاشارات طفلها بيساعدها على المدي الطويل فى نشأتهم ، والاستجابه دى بتكون موجوده فى الرضاعه الطبيعيه واللى بتنعكس على صحة الطفل العقليه . عملوا دراسه على 2900 ام وطفلها ولقوا ان سنه واحده من الرضاعه الطبيعيه بينتج عنها صحه عقليه افضل للاطفال حتى 14 سنه وكل ما زادت مده الرضاعه بتزيد معاها قوته العقليه .

##اكتئاب_الامهات
اكتئاب الامهات ليه تاثير سئ كبير جدا علي نشأة الاطفال ودا بسبب فقدان الام للتواصل مع طفلها وعدم قدرتها علي التفاعل معاه بشكل كويس او الاستجابه لاشاراته والتواصل معاه.. ومع تعرض الطفل للضغوط دي بينتج عنه فيما بعد
تاثير نفسي علي المدي الطويل
وعملوا مقارنه بين اطفال لامهات مصابه باكتئاب وامهات سليمه وتابعوهم خلال 20 سنه فوجودا ان الاطفال اللي امهاتهم مصابه باكتئاب عندهم قابليه للاصابه بامراض نفسيه او اكتئاب او ادمان بتلات مرات ضعف الاطفال لام سليمه
لسنوات طويله كان بيعتقد ان الرضاعه الطبيعيه قد تكون سبب في اصابه بعض الاطفال في الكبر بالاكتئاب عند تعرض امهاتهم للاكتئاب بعد الولاده ولكن دلوقتي بالاثباتات تم اكتشاف ان الام اللي بترضع طبيعي قابليتها للتعرض للاكتئاب اقل بكثير عن غيرهالها وعدم قدرتها علي التفاعل معاه بشكل كويس او الاستجابه لاشاراته والتواصل معاه.. ومع تعرض الطفل للضغوط دي بينتج عنه فيما بعد
تاثير نفسي علي المدي الطويل
وعملوا مقارنه بين اطفال لامهات مصابه باكتئاب وامهات سليمه وتابعوهم خلال 20 سنه فوجودا ان الاطفال اللي امهاتهم مصابه باكتئاب عندهم قابليه للاصابه بامراض نفسيه او اكتئاب او ادمان بتلات مرات ضعف الاطفال لام سليمه
لسنوات طويله كان بيعتقد ان الرضاعه الطبيعيه قد تكون سبب في اصابه بعض الاطفال في الكبر بالاكتئاب عند تعرض امهاتهم للاكتئاب بعد الولاده ولكن دلوقتي بالاثباتات تم اكتشاف ان الام اللي بترضع طبيعي قابليتها للتعرض للاكتئاب اقل بكثير عن غيرها



#النوم##
واحده من الاسباب اللى بتخلى الرضاعه الطبيعيه تقلل خطر الاكتئاب هو النوم ، فبقياس مده النوم والعمق بتاعه ونسبة الراحه فيه والتعب وقت النهار لقوا ان الام اللى بترضع طبيعى مقاييس النوم عندها والتاثير النفسى عليها افضل بكتير من الام اللى بترضع صناعى او بترضع مختلط " طبيعى وصناعي " .

##الحمايه والاستجابه##
فى دراسه اتعملت اثبتت ان الرضاعه الطبيعيه بتحمى الاطفال لما تكون امهاتهم معرضين للاكتئاب ، والدراسه دى اتعملت على اربع مجموعات من الامهات :
- امهات مصابه باكتئاب بيرضعوا طبيعى واخرين بيرضعوا مختلط
- امهات غير مصابين بالاكتئاب وبيرضعوا طبيعى واخرون مختلط
وعملوا رسم قلب على الاطفال ولقوا ان حتى الاطفال اللى بيرضعوا طبيعى لامهات مصابه بالاكتئاب رسم القلب عندهم طبيعى مقارنه بالاطفال اللى مش بيرضعوا طبيعى ، ودا بسبب ان حتى فى الاكتئاب بتقدر الام تتواصل مع طفلها ولو حتى بالعين او اللمس فى حاله الرضاعه الطبيعى مش بتبعد عنه تماما .


#دائره العنف##
الامهات اللى كان بيمارس ضدهم عنف فى صغرهم بيعتقدوا ان معندهمش الادوات الكافيه انهم يربوا اطفالهم بنجاح وبيخافوا من انهم يكرروا دائره العنف دى . والنوم المتقطع بيزيد من احتماليه التعرض للعنف ودا بيحصل للاطفال اللى تعرضت امهاتهم لكتئاب اثناء الحمل واتنقل للاطفال الضغط دا داخل الرحم ، فمع تعرض الام للاكتئاب مع قلة نوم الطفل وزيادة المسؤوليه دا كله بيزود احتماليه تعرض الطفل للعنف او الاهمال من قبل امه . ومع ذلك اثبتت الدراسات ان الامهات اللى بترضع الطبيعى بتقل بالنسبه لهم معدلات تكرار العنف مع اطفالهم مقارنه بالامهات اللى بترضع صناعى او مختلط ، لدرجه ان الرضاعه الطبيعى قدرت تقلل من الضرر النفسى والاكتئاب وانعدام النوم اللى موجود عند الامهات اللى تعرضوا لعنف جنسى فى صغرهم .

##التعلق_والصحه على المدي الطويل##
التعلق بين الطفل والام بينتج عنه حمايه ليه على المدى الطويل من الاصابه ببعض الامراض المزمنه فى الكبر ، ودا طبعا بيكون قوى فى حاله الرضاعه الطبيعى اللى بتقدر بدورها تحمي الطفل نفسيا وجسمانيا ، وانها كمان بتقدر تزود استجابه الام لطفلها وتزود من قدرتها على التحمل وبتزيد من خبرتها ، فهى مش بس وسيله لاطعام الطفل انما هى الطريق للعنايه بالطفل وتوفير الحياه الصحيه ليه .

وعشان كل الاسباب اللى فاتت دى بنقدر نقول ان الرضاعه الطبيعى تقدر تخلق عالم صحى وسعيد اكتر للام والطفل الاتنين ، وانها مش مجرد لبن .

مقال مترجم د ندى ابو شادى

استشيرى طبيب طفلك فى كل ما يخصه

هذه المقالة من باب المعلومات العامة و لا تغنى عن زيارة الطبيب