شكوى من احد المستشفيات بسبب الاحتفاظ بالبيبى يوم كامل بدون ما يرضع من امه

الرسالة دى جتلى
(((السلام عليكم
دكتورة شروق جزاكم الله خيرا على تنبيهى بخصوص مستشفى ....... لانى اكتشفت انهم بيحتفظوا بالبيبى عندهم لتانى يوم ويخرج مع الام وهى خارجة وطبعا بياخد صناعى طول المدة دى وده نظامهم الثابت
يعنى مش كذا ساعة لا ده لتانى يوم تخيلى !!!!!
هما بيخلوا الام تشوف البيبى بعد ما تفوق وتستحمى وتبقى تمام .
شوفى دول كام ساعة وبعدين ياخدوه تانى لغاية ما تخرج.
جزاكم الله خيرا على التنبيه)))

بصوا يا جماعة
واجب كل حامل تروح المستشفى اللى هتولد فيها و تشوف ده نظامهم و لا لا
و لو تعرفى اى حامل نبهيها
الرضاعة اول ما الام تفوق او فور الولادة فى منتهى الأهمية لزيادة كمية اللبن و تنبيه افراز هرمونات الرضاعة.
و التاخر ده بيأثر على كمية اللبن طول فترة الرضاعة!!!!!
ده غير ان فيه اطفال بتاخد ببرونة واحدة و ترفض بعدها الرضاعة و مش قادرة اقولكم ده كتير قد ايه.
امهات كتير تقول ما انا ابنى كان بياخد الاثنين.
نقووووووووووووووووووووووول البنى ادمين مش زى زجاجات الكوكاكولا كلها شكل واحد و رد فعل واحد.
اللى نفع مع ابنك منفعش مع غيره.
و مئات الالاف من الحالات حصل معاها كده و اسمه التباس الحلمات.
معلومة كمان
البيبى اللى لسه مولود حالا و كان من ثانية بيتغذى على الحبل السرى
لحق جاع؟؟؟؟؟؟؟؟؟؟؟؟
ده بيعيط مخضوووووووووووووووووووووووووض
و علاجه حضن ماما مش الببرونة
و لو الام مش فايقة بابا يضعه جوه ملابسه

اللهم بلغت
اللهم فأشهد

https://www.facebook.com/drshorouknutritionandbrestfeeding/posts/1586318028047609

المقال من باب المعلومات العامة و لا يغنى عن زيارة الطبيب.فاستشيرى طبيبك و طبيب طفلك فى كل ما يخصكما